បច្ចុប្បន្ននៅប្រទេសកម្ពុជាក៏អាចរកប្រាក់ចំនូលពី YouTube និង TikTok បានដែរ។ នៅក្នុងប្រទេសកម្ពុជា ការរកប្រាក់នៅលើ YouTube នេះអាចធ្វើទៅបាននៅកំឡុងឆ្នាំ ២០២១ ដែលយឺតជាង ប្រទេសជប៉ុន៩ឆ្នាំ ដោយប្រទេសជប៉ុនអាចធ្វើបានចាប់តាំងពីឆ្នាំ ២០១២។ ទោះបីជាវាមានរយៈពេលត្រឹមតែ ៤ ឆ្នាំ ចាប់តាំងពីពេលនោះមកក៏ដោយចុះ ប៉ុន្តែមានបណ្តាញ YouTube ដែលមានអ្នកជាវជាច្រើនរហូតជិតដល់កំពូល YouTubers ជប៉ុនផងដែរ។
«រស្មីហង្សមាស» ជា Channel YouTube ដែលដំណើរការដោយផលិតកម្ម Rasmey Hang Meas Video Group Production ដែលជាក្រុមហ៊ុនកម្សាន្តដ៏ទូលំទូលាយមួយ ដែលដំណើរការស្ថានីយ៍ទូរទស្សន៍ និងវិទ្យុ ក្រុមហ៊ុនផលិតកម្ម និងក្រុមហ៊ុនផលិតចម្រៀង ហើយតំណាងឱ្យសិល្បករភាគច្រើនរបស់កម្ពុជា។ គិតត្រឹមខែ ឧសភា ឆ្នាំ ២០២៥ ឆានែលនេះមានអ្នកជាវចំនួន ៧.១៥ លាននាក់។
សម្រាប់ទិន្នន័យចំនួនប្រជាជនកម្ពុជាក្នុងឆ្នាំ ២០២៣ មានចំនួនប្រមាណ ១៧ លាននាក់ ដែលមានន័យថាប្រហែល ៤០% នៃចំនួនប្រជាជនសរុបដែលបានជាវឆានែលនេះ។ តាមធម្មតា អ្នកជាវឆានែលទាំងអស់មិនមែនសុទ្ធតែជាជនជាតិខ្មែរនោះទេ ប៉ុន្តែបើពិចារណាថាវាជាប្រទេសដែលប្រើប្រាស់ភាសាដែលមានចំនួនអ្នកនិយាយតិចតួចដូចជាប្រទេសជប៉ុន វាគឺជាចំនួនដ៏គួរឱ្យភ្ញាក់ផ្អើលមួយ។
យ៉ាងណាមិញ ដោយសារ “រស្មីហង្សមាស” មានសមត្ថភាព និង មានបទចម្រៀងក្នុងការចាប់ផ្តើម ហើយគេសន្មត់ថាដំណើរការជាក្រុម និង ជាលក្ខណះក្រុមហ៊ុន វាមិនពិបាកយល់ទេថាហេតុអ្វីបានជាវាមានអតិថិជនច្រើនបែបនេះ។ ផ្ទុយទៅវិញ អ្វីដែលកាន់តែភ្ញាក់ផ្អើលជាងនេះនោះ គឺឆានែលដែលដំណើរការដោយឈ្មោះ «CHAN DY» ដែលដឹកនាំដោយ ម្តាយ និង កូនមកពីជនបទ។
ឆានែលនេះភាគច្រើនមានវីដេអូខ្លីៗ ហើយខ្លឹមសារគឺជាឆានែល ដែលបង្ហាញរៀបរាប់អំពី ជីវិតដែលម្តាយជួយដោះស្រាយបញ្ហាតូចៗដល់កូនប្រុសរបស់គាត់មានតាមមធ្យោបាយផ្ទាល់ខ្លួនរបស់គាត់។ បើតាមការវិនិច្ឆ័យតាមរយៈ វីដេអូដែលបានបង្ហោះ មានវីដេអូតិចតួចណាស់ដែលមើលទៅត្រូវចំណាយថវិការច្រើនក្នុងការផលិត ហើយដូចជាមិនមានបុគ្គលិកច្រើននាក់ចូលរួមនោះទេ។ ប៉ុន្តែបើយើងមើលទៅលើ ចំនួនអ្នកជាវឆានែលនេះវិញគឺមានរហូតដល់ ៧,៩៥ លាននាក់ វាគឺជារឿងដ៏គួរឲ្យភ្ញាក់ផ្អើល គឺច្រើនជាងក្រុមហ៊ុន «រស្មីហង្សមាស»ទៅទៀត។ ហើយអ្វីដែលគួរឱ្យភ្ញាក់ផ្អើលជាងនេះទៅទៀតនោះគឺ ឆានែលនេះទើបតែត្រូវបានចុះឈ្មោះនៅថ្ងៃទី ១៤ ខែ ឧសភា ឆ្នាំ ២០២៤ មុននេះទេ មានន័យថា ក្នុងរយៈពេលត្រឹមតែមួយឆ្នាំប៉ុណ្ណោះ វាបានរីកចម្រើនយ៉ាងឆាប់រហ័សរហូតដល់មានអ្នកជាវប្រហែល ៨ លាននាក់។
បើប្រៀបធៀបទៅនឹង YouTubers ជប៉ុនដ៏ល្បីល្បាញ ចំណាត់ថ្នាក់គួរឱ្យចាប់អារម្មណ៍របស់ពួកគេត្រូវបានទទួលស្គាល់នៅពេលអ្នកពិចារណាថាពួកគេអាចឈរនៅពីលើ Tokai On Air ដែលមានអ្នកជាវ ៧.១៧ លាននាក់ ប៉ុន្តែនៅទាបជាង Fisher’s ដែលមានអ្នកជាវ ៨.៨ លាននាក់។
ជាងនេះទៅទៀត ចំណាប់អារម្មណ៍របស់ខ្ញុំគឺប្រជាជនកម្ពុជាមិនចូលមើលយូធូបច្រើនដូចជនជាតិជប៉ុនទេ ដោយ Facebook និង TikTok កាន់តែមានប្រជាប្រិយភាពលើសលប់ជាងគេ។ ចំនួនអ្នកប្រើប្រាស់ប៉ាន់ស្មានពិតប្រាកដសម្រាប់ SNS នីមួយៗគឺប្រហែល ១៣.៨៦ លាននាក់ សម្រាប់ Facebook ប្រហែល ៩.៩៦ លាននាក់ សម្រាប់ TikTok និង ប្រហែល ១០ លាននាក់ សម្រាប់ YouTube ។ បើទោះជា YouTube មានអ្នកប្រើប្រាស់ច្រើនជាង TikTok ក៏ដោយ បើក្រឡេកមើលរយៈពេលប្រើប្រាស់ប្រចាំខែជាមធ្យម Facebook គឺមានប្រហែល ២០ ទៅ ២៥ ម៉ោង TikTok មានប្រមាណ ៣៤ ម៉ោង ហើយ YouTube មាន ៣០ ម៉ោង ដូច្នេះ TikTok លើសពី YouTube និង Facebook ។
ដោយសារសេវាកម្មនីមួយៗមានលក្ខណៈខុសៗគ្នា វាពិបាកក្នុងការប្រៀបធៀបវាក្នុងពេលតែមួយ ប៉ុន្តែជាទូទៅ ពេលវេលាប្រើប្រាស់ជាមធ្យមនៅលើ TikTok ដែលមានវីដេអូខ្លីជាង YouTube អាចបង្ហាញថាប្រជាជនកម្ពុជាប្រើប្រាស់ TikTok ចំនួនប៉ុន្មាន ហើយអ្នកនឹងអាចមើលឃើញថាចំនួនអ្នកជាវឆានែលកើនឡើងដល់ប្រមាណ ៨ លាននាក់ក្នុងរយៈពេលត្រឹមតែមួយឆ្នាំប៉ុណ្ណោះ។
តើអ្វីទៅជាអាថ៌កំបាំងនៅពីក្រោយការកើនឡើងយ៉ាងឆាប់រហ័សនៃចំនួនអ្នកជាវរបស់ពួកគេ? ខ្ញុំចង់ស្នើសុំសម្ភាសជាមួយ YouTuber ម្តាយ-កូនទាំងពីរនេះ។
