កាលពីខែមករា ក្រុមអធិការកិច្ចមកពីក្រុមហ៊ុន TDC Soft Co., Ltd បានធ្វើទស្សនកិច្ចនៅប្រទេសកម្ពុជា។ ក្រៅពីប្រទេសកម្ពុជា ក្រុមហ៊ុនក៏កំពុងបញ្ជូនក្រុមអធិការកិច្ចទៅកាន់ប្រទេសសិង្ហបុរី ឥណ្ឌូនេស៊ី និងឡាវ ដើម្បីស្វែងយល់ពីលទ្ធភាពនៃការពង្រីកចូលទៅក្នុងអាស៊ានផងដែរ។ TDC Soft គឺជាអ្នកបញ្ចូលប្រព័ន្ធដែលមានទីស្នាក់ការកណ្តាលនៅសង្កាត់ Chiyoda-ku ទីក្រុងតូក្យូ ដែលបានចុះបញ្ជីនៅលើផ្សារហ៊ុនតូក្យូ ទីផ្សារ Prime Market ហើយជាក្រុមហ៊ុន IT ដ៏យូរអង្វែងដែលបានធ្វើអាជីវកម្មអស់រយៈពេលជាង 60ឆ្នាំមកហើយ។
ក្រុមហ៊ុនមានអាជីវកម្មជាច្រើន រួមទាំងការប្រឹក្សាផ្នែកព័ត៌មានវិទ្យា ដំណោះស្រាយផ្នែកព័ត៌មានវិទ្យាហិរញ្ញវត្ថុ និងដំណោះស្រាយវេទិកា ហើយមានកំណត់ត្រាដែលបានបញ្ជាក់នៅក្នុងវិស័យជាច្រើន ចាប់ពីឧស្សាហកម្មហិរញ្ញវត្ថុ ដូចជាការធានារ៉ាប់រង ឥណទាន និងធនាគារ រហូតដល់ថាមពល ការផលិតការចែកចាយ និងវិស័យសាធារណៈ។ ប៉ុន្តែវាគួរអោយភ្ញាក់ផ្អើលដែលក្រុមហ៊ុន TDC Soft ជាក្រុមហ៊ុនIT ដ៏ធំរបស់ជប៉ុន បែរជា មិនមានការិយាល័យនៅក្រៅប្រទេស។ ដូច្នេះតើហេតុអ្វីបានជាបរទេសឥឡូវយកចិត្តទុកដាក់លើអាស៊ាន?យោងតាមលោក Hirofumi Tegawa អ្នកគ្រប់គ្រងផ្នែកសេវាកម្មគ្រប់គ្រង ដែលជាអ្នកដឹកនាំក្រុមទទួលបន្ទុកនៅប្រទេសកម្ពុជាសម្រាប់ដំណើរទស្សនកិច្ចនេះបាននិយាយថា៖ “គោលបំណងគឺដើម្បីស្វែងយល់ពីវិធានការដែលអាចបញ្ចូលទៅក្នុងផែនការគ្រប់គ្រងរយៈពេលមធ្យមដែលចាប់ផ្តើមពីខែមេសា។ ប្រទេសទាំងបួនដែលត្រូវទៅបំពេញទស្សនកិច្ចលើកនេះ ត្រូវបានជ្រើសរើសក្នុងលក្ខណៈសមតុល្យ រាប់ចាប់ពីប្រទេសដែលមានការអភិវឌ្ឍន៍យ៉ាងឆាប់រហ័សក្នុងអាស៊ាន រហូតដល់ប្រទេសដែលរំពឹងថានឹងអភិវឌ្ឍនាពេលអនាគត។ គាត់បាននិយាយថា៖ ការសម្រេចចិត្តនេះត្រូវបានធ្វើឡើងយ៉ាងយកចិត្តទុកដាក់ដោយគិតគូរពីលក្ខខណ្ឌមួយចំនួនដូចជា ការរីកចំរើនផ្នែកIT ហើយបើក្រលេកទៅមើលនៅថ្ងៃអនាគតថាតើហេដ្ឋារចនាសម្ព័ន្ធផ្នែកIT បានបំពាក់ជាមួយដៃគូអាជីវកម្ម ព្រមទាំងវិស័យធនាគារហើយឬនៅ ឬក៏អាចនឹងកើតឡើង នាពេលអនាគត។
នៅក្នុងផែនការអាជីវកម្មរយៈពេលមធ្យមពីមុនរបស់ក្រុមហ៊ុនចាប់ពីខែមេសា ឆ្នាំ២០២២ ដល់ខែមីនា ឆ្នាំ ២០២៥ ក្រុមហ៊ុនមានផ្នត់គំនិតជាមូលដ្ឋានគឺ “ការផ្តល់សេវាកម្មព័ត៌មានវិទ្យាដែលមានប្រសិទ្ធភាពក្នុងការបង្ហាញនូវតម្រូវការមិនទាន់ឃើញច្បាស់ទៅកាន់ ទីផ្សារ និង សង្គម” ។ យើងនឹងលើកកម្ពស់សកម្មភាពអាជីវកម្មដែលផ្តោតលើយុទ្ធសាស្ត្រជាមូលដ្ឋានចំនួនបីគឺ ”ការពង្រីកសេវាកម្មSI ដោយបន្ថែមតម្លៃខ្ពស់ ការលើកកម្ពស់កំណែទម្រង់SI និង ការពង្រីកតំបន់អាជីវកម្ម”។ ផែនការនេះត្រូវបានកែសម្រួលរហូតដល់ឆ្នាំ ២០២៤ ដូច្នេះវាអាចនិយាយបានថាជាជោគជ័យដ៏អស្ចារ្យមួយ។ ហើយយើងក៏អាចស្វែងយល់យ៉ាងស៊ីជម្រៅទៅលើក្រុមហ៊ុនគ្រប់គ្រងដែលកំពុងស្វែងរកយុទ្ធសាស្រ្តថ្មីៗ ព្រោះបច្ចុប្បន្នក្រុមហ៊ុនកំពុងដំណើរការយ៉ាងល្អ។ ផ្ទុយទៅលើរឿងរ៉ាវដែលល្អកំពុងតែកើតឡើងនេះ គឺមានស្ថានភាពសេដ្ឋកិច្ចដែលនៅតែមិនទាន់មានស្ថេរភាព រួមទាំងការធ្លាក់ថ្លៃចុះថ្មីៗនៃប្រាក់យ៉េន និងការកើនឡើងតម្លៃទំនិញ។ ជាងនេះទៅទៀត ជាមួយនឹងភាពចាស់ទុំនៃទីផ្សារក្នុងស្រុករបស់ជប៉ុន និងការប្រកួតប្រជែងកាន់តែខ្លាំងជាមួយក្រុមហ៊ុនក្រៅប្រទេស ដូច្នេះហើយយុទ្ធសាស្រ្តថ្មីគឺពិតជាមានសារៈសំខាន់ណាស់ក្នុងការយកឈ្នះលើបញ្ហាប្រឈមទាំងនេះ សូម្បីតែនៅក្នុងឧស្សាហកម្មព័ត៌មានវិទ្យាក៏ដោយ។ ដូច្នេះហើយ តាមរយៈការផ្សព្វផ្សាយយុទ្ធសាស្ត្រថ្មីនៅបរទេស វានឹងមិនត្រឹមតែអាចការពារហានិភ័យផ្សេងៗប៉ុណ្ណោះទេ ប៉ុន្តែថែមទាំងផ្តល់ជំនួយក្នុងការផ្លាស់ប្តូរធនធានមនុស្ស និងបច្ចេកវិទ្យាដែលមិនអាចទទួលបានដោយការពឹងផ្អែកលើទីផ្សារក្នុងស្រុក បណ្តាញអាជីវកម្មអន្តរជាតិ គំនិត និងដំណោះស្រាយដែលបង្កើតចេញពីទស្សនៈចម្រុះនឹងនាំទៅរកការរីកចម្រើនរបស់ក្រុមហ៊ុនទាំងមូល និងការសាងសង់មូលដ្ឋានប្រាក់ចំណេញកាន់តែមានស្ថេរភាព។
លើកនេះ ក្រុមការងារអធិការកិច្ចកម្ពុជាបានចុះពិនិត្យក្រុមហ៊ុនមួយចំនួនដូចជាក្រុមហ៊ុន NTT Ltd., Sunrise Japan Hospital, LASTMILE WORKS, JICA, JETRO, និង JATIC ។ នៅក្នុងគ្រប់ករណីទាំងអស់នៃកិច្ចពិភាក្សានេះ ហាក់ដូចជាមានការល្អប្រសើរច្រើន ជាពិសេសក្រុមហ៊ុន NTT Ltd. ខណៈដែលក្រុមហ៊ុននេះគឺស្ថិតនៅក្នុងឧស្សាហកម្ម ITដូចគ្នា ហើយនៅក្នុងនោះដែរមន្ទីរពេទ្យ Sunrise Japan Hospital ក៏បានពិភាក្សាអំពីលទ្ធភាពនៃការផ្តល់សេវាកម្ម TDC Soft ផងដែរ ។ នៅពេលសួរអំពីចំណាប់អារម្មណ៍របស់គាត់ចំពោះប្រទេសកម្ពុជា លោកនាយក Tegawa បាននិយាយថា “នៅក្នុងប្រទេសកម្ពុជា មនុស្សគ្រប់រូបមានស្មាតហ្វូន ដូច្នេះខ្ញុំគិតថាពួកគេនឹងផ្តោតលើបណ្តាញទូរស័ព្ទចល័ត និងពង្រីកអាជីវកម្មរបស់ពួកគេជាជាងបណ្តាញថេរ ដែលមានតម្លៃថ្លៃ និងចំណាយពេលវេលាច្រើន។ វាមិនមានបញ្ហាជាមួយរលកវិទ្យុទេ ហើយក៏មិនមានបញ្ហាជាមួយការងារដែរ ដូច្នេះវាហាក់ដូចជាមិនមានបញ្ហាជាមួយការដាក់ពង្រាយសេវាកម្មទេ។ ប៉ុន្តែ ទោះបីជាយ៉ាងណាក៏ដោយ លោកបានប្រកាន់ជំហរយ៉ាងប្រុងប្រយ័ត្នដោយនិយាយថា “ទោះបីជាខ្ញុំអាចមើលឃើញសក្តានុពលនាពេលអនាគតរបស់កម្ពុជាក៏ដោយ ក៏ខ្ញុំមានចំណាប់អារម្មណ៍ថា វានៅឆ្ងាយទៀតក្នុងនាមជាក្រុមហ៊ុននៅក្រៅប្រទេស។ វាអាចទៅរួចប្រសិនបើយើងមានធនធានមនុស្ស និងអភិវឌ្ឍពួកគេ ប៉ុន្តែខ្ញុំគិតថាវានឹងពិបាកប្រសិនបើយើងមិនជ្រើសរើសខ្លឹមសារអាជីវកម្មដោយប្រុងប្រយ័ត្ន។”
នៅពេលសួរថាតើមនុស្សប្រភេទណានឹងត្រូវបានជ្រើសរើសប្រសិនបើពួកគេពង្រីកទៅកាន់ប្រទេសណាមួយនោះ ពួកគេបានឆ្លើយថា “ជាមូលដ្ឋាន ខ្ញុំគិតថាសមាជិកដែលនឹងបង្កើនអត្រាជោគជ័យនឹងត្រូវបានជ្រើសរើសសម្រាប់គោលបំណងនោះ ការលើកទឹកចិត្ត និងការជំរុញទឹកចិត្តខ្លាំងខ្លាវាពិតជាមានសារៈសំខាន់ ហើយខ្ញុំចង់ឱ្យពួកគេតស៊ូរហូតដល់ពួកគេឈានដល់គោលដៅ។
ដូចគ្នានេះដែរអាចនិយាយបានសម្រាប់ឧស្សាហកម្មណាមួយ ប៉ុន្តែមានវិធីពីរយ៉ាងក្នុងការគិតអំពីការពង្រីកអាជីវកម្មនៅក្នុងប្រទេសកម្ពុជា៖ មួយអាចនិយាយបានថាវាលឿនពេក ហើយមួយទៀតអាចគិតថាឥឡូវនេះវាដល់ពេលត្រឹមត្រូវ។ នោះហើយជាមូលហេតុដែលវាពិបាក ហើយនិងគួរឱ្យចាប់អារម្មណ៍។ ក្នុងករណីណាក៏ដោយ អ្នកគ្រប់គ្រង Tegawa បាននិយាយថា “អ្នកត្រូវតែតស៊ូរហូតដល់អ្នកសម្រេចបាននូវគោលដៅរបស់អ្នក ហើយដាក់ចិត្តដាក់កាយធ្វើទៅលើវា ហើយកុំធ្វើការដោយភាពច្របូកច្របល់។” នេះជារឿងសំខាន់នៅពេលធ្វើការនៅបរទេស ហើយសម្រាប់អ្នកដែលធ្វើការនៅបរទេសរួចហើយ មិនគួរភ្លេចរឿងនេះទេ។
